БОГОСЛУЖЕНИЕ БОГОСЛУЖЕБНЫЕ ПЕСНОПЕНИЯ СТАТЬИ ФОТО И ВИДЕО ЗАДАТЬ ВОПРОС ССЫЛКИ

Последование благодарственного и молебного пения ко Господу Богу, певаемого в день Рождества, еже по плоти, Спасителя нашего Иисуса Христа, и воспоминания избавления Церкве и Державы Российския от нашествия галлов и с ними двадесяти язык

По окончании Божественной литургии духовенство выходит из алтаря на середину церкви, и после трех поклонов диакон произносит: "Благослови, владыко", предстоятель возглашает: "Слава Святей...", хор: "Аминь" и "Царю Небесный"...", чтец: Трисвятое по "Отче наш", "Господи, помилуй" (12 раз), "Слава, и ныне", "Приидите, поклонимся.." (трижды) и начинается пение пророчества святого пророка Исаии: "С нами Бог, разумейте, языцы, и покаряйтеся, яко с нами Бог". Чтец зачитывает стихи пророчества от первого: "Услышите до последних земли" до конечного: "Отец будущаго века", а хор на каждый из них отвечает: "Яко с нами Бог", заканчивая троекратным (включая на "Славу" и на "И ныне") пением начала пророчества: "С нами Бог..."

Диакон произносит великую ектению до "О плавающих..." с включенными в нее специальными прошениями: "О еже исправитися молитве нашей сей, яко кадилу пред Спасителем нашим Богом, и приятися сей жертве сердец и устен, исповедающихся Господеви в день спасения, услышавшему нас в день печали, Господу помолимся".

"О избавитися нам от всякия скорби...", "Заступи, спаси...", "Пресвятую, Пречистую...", возглас священника: "Яко подобает Тебе всякая слава...".

На "Бог Господь..." поются следующие тропари: "Слава в вышних Богу и на земли мир: днесь восприемлет Вифлеем Седящаго присно со Отцем; днесь ангели Младенца рожденнаго боголепно славословят: слава в вышних Богу и на земли мир, в человецех благоволение" (глас 6-й).

"Слава в вышних Богу и на земли мир: се бо Агнец Вифлеемск льва и змия нами поправ, миру мир дарова. Тем со Ангели Младенцу миродержавному боголепну славу принесем: слава в вышних Богу и на земли мир, в человецех благоволение" (глас 6-й).

"Слава", глас 1-й: "Спаси, Господи, люди Твоя..."

"И ныне", Богородичен, глас 1-й: "Всемирную славу..."

Диакон: "Вонмем", священник: "Мир всем", чтец: "И духови твоему", диакон: "Премудрость", чтец: "Пророчества Исаиина чтение", диакон: "Вонмем", чтец читает паримию (гл. 14-я). После паримии - прокимен, глас 7-й: "Кто Бог велий, яко Бог наш; Ты еси Бог, творяй чудеса" со стихами: "Сказал еси в людех силу Твою", "Рек: ныне начах, сия измены десницы Вышняго", "Помянух дела Господня, яко помяну от начала чудеса Твоя", и снова: "Кто Бог велий...", чтец: "Ко Евреем послания святаго апостола Павла чтение", диакон: "Вонмем", чтец читает Апостол (зачала 329 - 331-е); по Апостоле - священник: "Мир ти", чтец: "И духови твоему", диакон: "Премудрость", чтец: "Аллилуиа" со стихом: "Господь крепость людем Своим даст, Господь благословит люди Своя миром", диакон: "И о сподобитися нам слышанию...", хор: "Господи, помилуй" (трижды), диакон: "Премудрость, прости...", священник: "Мир всем", хор: "И духови твоему", священник: "От Матфеа святаго Евангелиа чтение", хор: "Слава Тебе, Господи, слава Тебе", диакон: "Вонмем", священник читает Евангелие (зачало 98-е), по окончании - хор: "Слава Тебе, Господи, слава Тебе", и сразу диакон произносит ектению: "Рцем вси.. " с включенными в нее дополнительными прошениями: "Еще молимся, о еже прияти Господу Спасителю нашему исповедание и благодарение нас, недостойных рабов Своих, яко не по беззаконием нашим сотворил есть нам, ниже по грехом нашим воздал есть нам, но и в годину искушения, пришедшую на всю Вселенную, избавил ны есть, и внегда обышедше обыдоша нас врази наши, явил есть нам спасение Свое".

"Еще молимся о победоносных вождех и воинах наших, и о всех ревнителех веры и правды, в годину искушения души своя за братию свою положивших, яко да даст им Царь Славы, в день праведнаго Своего воздаяния живот вечный, и венцы нетления, нас же всех в их дусе, и вере и единомыслии утвердит".

Священник возглашает: "Услыши ны, Боже, Спасителю наш...", хор: "Аминь", диакон: "Вонмем, и в умилении сердца, колена душ и телес наших преклонше, Господу помолимся", священник читает молитву: "Боже великий и непостижимый, Отче Безначальный, Собезначальный Сыне и Душе Соприсносущный, осуществуяй не сущая, спасаяй погибающыя, животворяй мертвый, творяй по воли Твоей в силе небесней и в селении земнем, и дивным Твоим промыслом управляяй всяческая! Приклони ухо Твое с высоты святыя Твоея, и приими от нас, смиренных и недостойных рабов Твоих, имже велие Твое от бед и всегубительства спасение явил еси, сердцем и усты возносимая Тебе благодарственная сия моления, исповедания и славословия. Яко не по беззакониям нашим сотворил еси нам, Господи, ниже по грехом нашим воздал еси нам. Ты глаголал еси древле сыновом израилевым, яко, аще не послушают гласа Твоего хранити и творити вся заповеди Твоя, наведеши на них язык безстуден лицем, иже сокрушит их во градех их, дондеже разорятся стены их: и мы ведехом: яко прииде глагол страшный сей на ня и на отцы наша: обаче, прещения Твоего не убоявшеся, и о милосердии Твоем вознерадивше, оставихом путь правды Твоея и ходихом в волях сердец наших и не искусихом имети в разуме и сердце Тебе Бога разумов и сердец, еще же и отеческая предания ни во чтоже вменивше, прогневахом Тя о чуждих. Ихже ради, якоже древле сынов израилевых, тако и нас объят лютое обстояние, и о их же ревновахом наставлениих, сих врагов имеяхом буиих и зверонравных. Но Ты, Господи Боже щедрый и милостивый, долготерпеливый и многомилостивый, и истинный, и правду храняй, и творяй милость в тысящи, отъемляй беззакония, и неправды, и грехи, на время малое оставль нас, милостию велиею помиловал еси, и посетив жезлом неправды наша, якоже щедрит отец сыны, тако ущедрил еси нас. Призрел бо еси на скорбь нашу и на потребление стольнаго града, в немже от лет древних призвася имя Твое, и на моления наша, яже не на наша правды уповающе повергохом пред Тобою, но на щедроты Твоя многия, Господи: и дал еси нам хребет нечестивых супостатов, воинов же наших венчал еси оружием благоволения Твоего, да от лица Христа Твоего исчезающе исчезнут, яко дым, врази Твои, любящий же Тебе возсияют, яко восток солнца в силе своей. Видехом, Господи, видехом и вси языцы видеша в нас, яко Ты еси Бог, и несть разве Тебе, Ты убиеши и жити сотвориши, поразиши и исцелиши, и несть, иже измет от руку Твоею. Темже утвердися сердце наше во Господе нашем, вознесеся рог наш в Бозе нашем, возвеселихомся о спасении Твоем. Благодарим Тя, Господи, яко наказуя наказал еси ны вмале, да не смерти во веки предаси нас. Даждь нам, Господи, память сего славнаго Твоего посещения тверду и непрестанну имети в себе, яко да в Тебе утверждени сыновним страхом и верою, и любовию, и Твоею крепостию ограждени, выну, якоже днесь, поем и славословим Имя святое Твое. Утверди благословение Твое и на верныя люди Твоя, и Дух Твой благий да почиет на них. Подаждь в богохранимей стране нашей пастырем святыню, правителем суд и правду, народу мир и тишину, законам силу и вере преспеяние. О премилосердный Господи! Пробави милость Твою ведущим Тя: но и неищущим Тебе явлен буди: еще и врагов наших сердца к Тебе обрати: и всем языком и племенем во единем истинном Христе Твоем познан буди. Да от восток солнца до запад, всеми убо языки, единем же сердцем, вси языцы восклицают Тебе гласом радования".

И заканчивает молитву возглашением: "Слава Тебе, Богу Спасителю всех, во веки веков", хор: "Аминь" и сразу поет славословие великое: "Слава в вышних Богу..." или песнь святого Амвросия, епископа Медиоланского: "Тебе, Бога, хвалим...", диакон: "Премудрость", священник творит следующий отпуст: "Иже во яслех Вифлеемских яко агнец возлегий, сопротивных же крепок яко лев сокрушивый, и верныя овцы Своя на путь правды и спасения, и мира наставивый и упасый, Христос, истинный Бог и Спаситель наш, молитвами Пречистыя Своея Матере и всех святых, помилует и спасет нас, яко благ и Человеколюбец".

Диакон провозглашает многолетие, и хор поет его трижды.

Затем диакон возглашает: "Во блаженном успении вечный покой подаждь, Господи, всем воинам нашим, на поле брани убиенным, и сотвори им вечную память". Хор поет: "Вечная память" (трижды).

Диакон снова возглашает: "Всему победоносному воинству нашему многая лета". Хор поет многолетие трижды.

Молебное пение во время губительного поветрия и смертоносныя заразы

Священник начинает молебен возгласом: "Благословен Бог наш...", клир поет: "Царю Небесный", чтец: Трисвятое и "Приидите, поклонимся..." (трижды) и псалмы 37-й и 90-й, заканчивая словами: "Слава, и ныне", "Аллилуиа, аллилуиа, аллилуиа, слава Тебе, Боже" (трижды).

Диакон произносит великую ектению до прошения: "О плавающих..." включительно и включает в нее специальные прошения: "О еже не помянути беззаконий и соблазнов нас, грешных и недостойных рабов Своих, но милостивно очисти грехи наша, и отвратити гнев Свой, праведно движимый на ны, Господу помолимся".

"О еже ни яростию обличити, ниже гневом наказати нас, но помянути яко плоть есмы, дух ходяй и не обращаяйся, и милостивно пощадити от смерти души наша, Господу помолимся".

"О еже не внити в суд с рабы Своими и не назрити беззакония наша, но очистити я, и милостиву быти, и пощадити люди согрешшыя, Господу помолимся".

"О еже помянути щедроты и милости Своя, яко от века суть, грехов же юности и неведения нашего не помянути, и помиловати нас, Господу помолимся".

"О еже услышати от храма святаго Своего глас наш, и исцелити болезни смертныя, одержащыя нас, и потоки беззакония смутившыя нас изсушити, Господу помолимся".

"О еже вскоре изъяти нас от сетей смертных и от болезней адовых избавити, Господу помолимся".

"О еже милостивно продолжйти рабом Своим покаяния время и не безгодно яко неплодную смоковницу посещй, но благосердием окопати, и милосердия росою напоити плодов покаяния и обращения нашего человеколюбно еще ожидая, Господу помолимся".

"О еже вознести нас от врат смертных, и меч изъятый и лук Свой напряженный, и в нем сосуды смертныя на ны праведно уготованныя со стрелами горящими, милостивно (да не погибнем) от нас отвратити, Господу помолимся".

"О еже услышати молитву нашу, и моление наше внушити, и слез наших не промолчати: но ослабити нам, да почием прежде даже не отъйдем, и ктому не будем, Господу помолимся".

"О избавитися нам..." и прочие прошения до конца, священник: "Яко подобает Тебе...".

На "Бог Господь", глас 2-й, тропарь: "Во гневе Твоем, Боже, помяни щедроты Твоя, прах бо и пепел есмы, дух ходяй и не обращаяйся, и не яростию Твоею обличи нас, да не погибнем до конца, но пощади души наша, яко Един милосерд" (дважды).

На "Слава, и ныне", Богородичен: "Заступнице усердная...", псалом 50-й и сразу канон Пресвятой, Единосущной, Животворящей и Нераздельной Троице, глас 8-й.

Песнь 1-я. Ирмос: "Колеснице гонителя фараоня погрузи".

"Вседетельная и срасленая, и сопрестольная, и единосильная, и трисветлая Славо, Отче непостижиме, Сыне и Душе Святый, лютыя болезни рабы Твоя свободи, яко да благодарственно Тя славим".

"Грехов буря изрину мя в глубину немощи, и частыя болезни, якоже треволнение, мя обуревают, окаяннаго; единосильная Державо, Троице Святая, умилосердися, спаси мя, люте погибающа".

"Слава"- "От содержащаго греха избави, Троице Нераздельная, нас, Твоя рабы, росою милости Твоея угашающи зной лютых моих болезней, и здравие подающи, яко да православно воспеваем Тя".

"И ныне", Богородичен - "Избавителя и Вседетеля и Господа во чреве носившая, наша недуги, Всечистая, понесшаго, того убо моли, лютыя немощи Твоя рабы избавити, Едина человеком помоще".

Песнь 3-я. Ирмос: "Небеснаго круга...".

"Небесный умове, ангельстии чинове, престоли и начала, и силы, и господства, молят Тя благаго и Спаса: губительнаго свободй недуга рабы Твоя".

"Да человеколюбия на мнозе, Владыко, Твоего покажеши бездну, Всесильне, недуга свободй смертоноснаго, и болезней лютых рабы Твоя, Едине долготерпеливе".

"Слава" - "Яко Божии предстоятели, служебнии дуси, ангели и архангели, Сего молите, утолити недуг, разорити печаль, смертоносныя же части избавити".

"И ныне": Богородичен: "Исцелений источника Тя благих показа, бездна из Тебе прошедшая, Христос Господь, Отроковице непорочная; темже рабы Твоя избави немощи, бурею потопляемых".

"Избави от бед рабы Твоя, Многомилостиве, яко мы усердно к Тебе прибегаем, к милостивому Избавителю, всех Владыце, в Троице славимому Богу".

Затем следует ектения сугубая: "Помилуй нас, Боже...", за которой - седален: "Не отрйни до конца согрешшыя люди Твоя, Владыко, ниже отстави милости и щедроты Твоя от нас; но яко бездна сый щедрот и милосердия пучина, приими мольбы наша, и избави нас от належащия беды и нужды, Един бо еси благоуветливый".

Песнь 4-я. Ирмос: "Ты моя крепость, Господи..."

"Ныне сень воистину смертная обыде, и ко адовым вратбм приблйжи; но Ты, Спасе, яко силен нас возставивый, удиви милости Твоея, спасай в вере несумненной вопиющих: силе Твоей слава, Человеколюбче".

"Христовы тайнницы, самовидцы и проповедницы, приймшии дар исцеления, и врачеве суще душевнии, от нужд мя, апостоли, изведите содержащаго недуга, Иисуса моляще Владыку, и Избавителя, и Господа".

"Слава": "Грехов буря ныне нас постйже, немощи волны обуревают, болезни погружают частыя; скорби бо и болезни нас, окаянных, обретоша, апостоли Господни, вашими мольбами помощи руку подайте".

"И ныне", Богородичен: "Болезньми лютыми и частыми ударяеми, Дево, вси Тебе припадаем, державным покровом Твоим, Чистая, спаси нас всех; ущедри, Богоневестная, избави мора, и лютыя немощи, и болезни исцели, Владычице".

Песнь 5-я. Ирмос: "Векую мя отринул еси...".

"Моря прелести, медоточными вашими моленьми, губительный пророцы, потопивше, ныне преложите горесть всю губительныя нынешния немощи, на Божественную благомощия сладость".

"Пронзени быхом стрелами немощи повелением Твоим, Господи, и утвердися на нас рука Твоя, Всесильне; яко Бог щедрый, ущедри всех Твоею милостию, молитвами святых мучеников Твоих".

"Слава": "Сына якоже древле вдовйча возставил еси Твоим повелением, умерщвлена. Слове, лютыя немощи рабы Твоя, яко Един благ и милостив избавивый, оживотвори, Едине Человеколюбче".

"И ныне", Богородичен: "В нощй житейстей буря постйже всякаго озлобления, покрыло мя, Дево, немощи омрачение; но возсияй ми, прохлаждениа, Пречистая, свет, и к свету благомощкя настави".

Песнь 6-я. Ирмос: "Очисти мя, Спасе ..".

"В пучине пропасти и немощей облежим, и губительный напасти обуревают волны. Правителю Господи, помощи руку простер ныне спаси".

"Разслабленнаго якоже древле стягнул еси, Божественным манием от недуга болезненнаго, и одра озлобления, и недуга тяжчайшаго, ущедрив даждь здравие, Многомилостиве".

"Слава": "Пророческий лик, апостолов собрание, полк страдальцев ныне молит Тя, Едине Многомилостиве, о людех Твоих, сих ущедри".

"И ныне", Богородичен: "Марие, чистое девства сокровище, Ты очисти нас, и недугов, и скорбей, и содержащия ныне немощи избави, да верою Тя прославим".

"Избави от бед..." (см. по 3-й песни).

После малой ектений и возгласа сразу - кондак, глас 6-й:

"Болезни адовы обыдоша нас, и прикры ны сень смертная, и яко воск от огня, дние наши тают от лица гнева Твоего, Господи; но яко щедр во гневе милости помяни, и пощади люди Твоя, да живи суще, в покаянии славим Тя, Единаго Человеколюбца".

Затем читается Апостол (зачало 331-е "от полу"). Перед ним - прокимен, глас 4-й "Господи, да не яростию Твоею обличиши мене, ниже гневом Твоим накажеши мене" со стихом: "Яко стрелы Твоя унзоша во мне и утвердил еси на мне руку Твою". После Апостола - "Аллилуиа" со стихами: "Одержаша мя болезни смертныя, и потоцы беззакония смятоша мя". "Болезни адовы обыдоша мя, предвариша мя сети смертныя".

Евангелие от Луки (зачало 16-е), после него сразу 7-я песнь.

Ирмос: "Божия снисхождения...".

"Опаляет пещь безмерных болезней, и сжигает мя огневицы губительныя пламень непрестанно безстуднейший; но росою милости Твоея, Спасе, прохлади поюща: благословен Бог отец наших".

"Пророцы, апостоли, мучеников собори, божественнии учителие, болезни недугующих нас мольбами укротите, и здравие даруйте поющым: благословен Бог отец наших".

"Слава": "Словом Лазаря воскресивый, ныне яко из гроба нас лютыя немощи возставивый, оживи, Господи, да вопием песнь благодарственную: благословен Бог отец наших".

"И ныне", Богородичен: "Щедра сущая, и Мати Всещедраго ущедривши избави Твоя люди, призывающая милости Твоя, Дево, и поющыя: благословен Бог отец наших".

Песнь 8-я. Ирмос: "Седмерицею пещь..."

"Болезненно стенем, от одра болезни нашея, и от губительныя немощи вопием к Тебе, Человеколюбцу, сердечныя очи ныне простирающе, здравия просим. Посети нас, Спасе, и возстави пети: людие, превозносите во вся веки".

"В нашу немощь милостивне облекийся, и уподобитися человеком изволивый, молитвами преподобных Твоих, отчаянных спаси нас, воздвигни из гроба отчаяния пети: отроцы, благословит, священницы, пойте, людие, превозносите во вся веки".

"Слава": "Содетелю естества, подателю исцеления, утробы щедрот и благоутробия пучину, яко имеяй, Долготерпеливе, посещением посети от губительныя немощи люди Твоя, и оживи вопити. священницы, благословите, людие, превозносите во вся веки".

"И ныне", Богородичен: "Крепкая помоще, и известное заступление, отчаявшихся надежде, Пренепорочная, посети страждущыя болезненно рабы Твоя; облегчи тяжесть горькия немощи; отжени недуг губительныя нужди, и спаси рабы Твоя, Дево Богородице".

Песнь 9-я. Ирмос. "Ужасеся о сем небо...".

"Чудеса велия, ихже несть числа, сотворивый, Безсмертне, на рабы Твоя милости Твоя, Боже, яко милостив покажи, и содержащыя нас ныне свободи болезни, моленьми рождшия Тя, и лика страстотерпцев Твоих".

"Ангелов, архангелов и пророков, апостолов, мучеников, преподобных же, иерархов, священномучеников Твоих молитвами, плач рабов Твоих обрати, Всесильне, в радость - исцели болезнь, облегчи недуги, и здравие нам даруй".

"Слава": "Душ же и телес врача, в милости богатаго, Господа Тебе молю: исцели страсти моя многия, болезней измени, и скорбных мя яко благ, и Един Благодетель, и спасай верою чистою Тя величающих".

"И ныне", Богородичен: "Щедраго рождшая и милостиваго, и Владыку, и Создателя, и Господа, ныне на мне покажи Твоя обычно щедроты, и лютаго мя избави недуга, изнуряющаго душу мою, Дево Богородице, и подаждь ми здравие, яко да непрестанно величаю Тя".

По окончании канона: "Достойно есть яко воистину...", Трисвятое и по "Отче наш" возглас, затем тропари: "Помилуй нас, Господи, помилуй нас...", "Господи, помилуй нас, на Тя бо уповахом...", "Милосердия двери отверзи нам...", сугубая ектения: "Помилуй нас, Боже..." до прошения: "Еще молимся о богохрапимей стране нашей...", а затем - специальные прошения: "Согрешихом и беззаконовахом, и сего ради праведный Твой гнев постйже нас, Господи Боже наш, и сень смертная обыде нас, и ко адовым вратом приближихомся. Но к Тебе, Богу нашему, в болезни нашей умильно вопием: пощади, пощади люди Твоя, и не погуби до конца, смиренно молим Ти ся, услыши и помилуй".

"Животом и смертию владычествуяй, Господи, не затвори в смерти души рабов Твоих, но престани от гнева, и остави ярость, зане исчезают яко дым дние наши, и йзсше крепость наша и погибаем до конца грех ради наших. Милостив буди рабом Твоим, и покаянии со слезами молим Ти ся, услыши и помилуй".

"Помяни яко плоть есмы, Господи, дух ходяй, и не обращаяйся, и милостивно отврати гнев Твой, праведно на ны движимый, имже яко мечем безгодно посещаеши нас; устави болезнь, и утоли язву, напрасно губящую нас. Не мертвии бо восхвалят Тя, и в болезни сердца стеняща молим Ти ся, услыши и помилуй".

"Паче всех согрешихом Тебе и беззаконновахом, Владыко; и аще покаяния не стяжахом, предложение наше вместо покаяния приими, и на милость приложися, смертоноснаго недуга, и болезней лютых, яко всесилен свободи рабы Твоя, болезненно стеняще молим Ти ся, скоро услыши и помилуй".

"Не помяни беззаконий и неправд людей Твоих, и не вниди в суд с рабы Твоими, ниже уклонися гневом от рабов Твоих. Аще беззакония назриши, Господи, кто постоит; прах бо и пепел есмы, и состав наш яко ничтоже пред Тобою; но яко щедр и Человеколюбец умилосердися, и не погуби нас во гневе Твоем со беззаконьми нашими, молим Ти ся, Боже Преблагий, услыши и помилуй".

"Не хотяй смерти грешных, но еже обратитися и живым быти им, яко живота Источник, оживотвори нас праведным Твоим судом смерти достойных: Бог бо еси, живыми и мертвыми обладаяй, и не погуби нас во гневе прещения Твоего, воплем крепким в горести сердца со слезами молим Ти ся, услыши и помилуй".

"Милостивно призри, Господи, на озлобление людей Твоих, и умилосердися, и повели ангелу простершему руку свою, еже погубити всех нас, якоже иногда при Давиде повелел еси, еже довлети ныне, и удержати руку свою, да не до конца нас погубит. И мы бо в покаянии Тебе исповедающеся, яко Давид вопием: согрешихом и беззаконновахом, и несмы достойни Твоего милосердия; но Ты Сам, яко щедр, единаго ради благосердия Твоего умолен быв, покажи милости Твоя древния, и пощади люди, и овцы пажити Твоея, молим Ти ся, скоро услыши и помилуй".

Священник возглашает: "Услыши ны. Боже, Спасителю наш..." и по возгласе диакона "Со умилением паки и паки преклонше колена. Господу помолимся" читает молитву: "Господи Боже наш, призри с высоты святыя Твоея на молитву нас, грешных и недостойных рабов Твоих, беззаконьми нашими Твою благость прогневавших и благоутробие Твое раздраживших, и не вниди в суд с рабы Твоими; но отврати страшный гнев Твой праведно на ны движимый, утоли губительное прещение, устави грозный Твой меч, невидимо безгодно секущий нас, и пощади нищих и убогих рабов Твоих, и не затвори в смерти душы наша, в покаянии сокрушенным сердцем и со слезами к Тебе, милосердому, благоуветливому и благоприменительному Богу нашему, припадающих. Твое бо есть еже миловати и спасати ны, Боже наш, и Тебе славу возсылаем. Отцу, и Сыну, и Святому Духу, ныне и присно, и во веки веков, аминь".